اسلام آباد 22 جولائي (اے پي پي) صدر مملکت آصف علي زرداري په کراچۍ كښې د شهري سېلاب مخنيوي لپاره د جامع منصوبې زر تر زره د جوړولو سپارښتنې كولو سره وئيلي دي كراچۍ د ښار د سېلاب نه ساتلو لپاره به جامع منصوبه په ترجيحي بنيادونو جوړول وي٬ كراچۍ دې د ښارئي سېلاب نه ساتلو لپاره د سندھ حكومت تل پاتې او اوږد مهاله لائحه خپله كړي، د نړيوال معيار له مخې د سېوريج او سېلابي اوبو د موثره انتظام نظام به خپلول وي۔ د ايوان صدر پرېس ونګ له مخې د صدر مملکت آصف علي زرداري په مشرۍ كښې كراچۍ د شهري سېلاب نه ساتلو په لړ كښې غونډه وشوه چې پكښې د سندھ وزيراعليٰ سيد مراد علي شاہ هم ګډون كولو۔ صدر مملکت آصف علي زرداري ووئيل په كراچۍ كښې د زمكې دننه د سرنګونو د لارې په سېلاب قابو موندلو لپاره فزيبلټي سټډي دې په دريو مياشتو كښې بشپړه كړې شي٬ كراچۍ او د سمندر ساحلي سيمې پاكې ساتلو لپاره د نړۍ د نورو مېټروپوليټن ښاريو سره برابرولو ته اړتيا ده٬ د ،سرنګونو د مجوزہ منصوبې به ښه ماحولياتي اثرات وي٬ د سندھ حكومت دې نړيوال ډونرز څخه د سرنګونو مجوزہ منصوبې لپاره د ماحولياتي فنانسنګ په ترلاسه كولو غور وكړي۔ ده ووئيل د ناولو اوبو د پاكولو نظام څخه به د بلوچستان زراعت لپاره هم اوبه ترلاسه شي او دې سره به د فشريز څانګې هم وده ومومي۔ ده ووئېل حېدرآباد ته سټي فلډ او د سېورېج مسئلې ورمخې ته دي د كومو چې ترجيحي حل ته اړتيا ده، په غونډه كښې صدر مملکت ته د نړيوالو آبي او سيوريج مينجمنټ پوهانو لخوا جامع بريفنګ وركړے شو٬ پوهانو د سټي فلډ او سيوريج چيلنجز مخنيوي لپاره بېلا بېل وړاندېزونه وركړل ٬ پوهانو د واشنګټن ، لندن او سنګاپور د زمكې دننه د سيوريج په نظام هم رڼا واچوله۔ د بريفنګ په مهال ووئيل شول د کراچۍ په هائي فلډ زونز كښې د سړكونو لاندې د سېورېچ واړه او لوئي سرنګونه جوړېدې شي٬ په جديد ټېكنالوجۍ اډانه سرنګونو څخه به اولس٬ ټرافېك او د زمكو د ملكيت پحقله پرېشانۍ نه وي، په کراچۍ كښې هره ورځ نزدې 450 مېليونه ګيلن سېورېج پېدا كېږي٬ د سيوريج او د باران اوبه په وړو او لويو نالو كښې جمع كېږي٬ د سيوريج او سېلاب اوبه د ټريټمنټ نه غېر سمندر كښې شاملېدو سره د سمندر ماحولياتي نظام خيرن كېږي۔ د بريفنګ په مهال ووئيل شول د كراچۍ د نالو د موجوده نېټ ورك صلاحيت محدود دے او د كراچۍ په سسټم كښې د زياتي اوبو نه جذب كېدو په سبب سټي فلډ رامخې ته كېږي۔ په غونډه كښې ايډجوټنټ جنرل ليفټيننټ جنرل محمد عاصم ملك، د سندھ بلديات وزير سعيد غني ، د كراچۍ ميئر بيرسټر مرتضيٰ وهاب، سركاري چارواكو ٬ د اوبو د انتظام ځائي او نړيوالو پوهانو هم ګډون كولو
