اسلام آباد 04 اګست (اے پي پي) كل جماعتي حريت كانفرنس لارښودو وئيلي 5 اګست زمونږ لپاره د د عهد د تجديد ورځ ده تر څو چې مونږ كشمير د هند د ناجائز ، غير قانوني او غير اخلاقي قبضے څخه آزاد نه كړو تر هغې به د آزادۍ تحريك روان وي، ملګري ملتونه ، نړيواله ورورولي ، او آئي سي ، اروپائي ائتلاف ، د بشري حقونو تنظيمونو څخه اپيل كوو چې رياست جموں او كشمير له د خپل حق وركولو لپاره كردار ترسره كړي او رياست جموں او كشمير كښې د بشري حقونو خلاف ورزۍ بندي كړي او په رياست كښې د استصواب رائے لپاره خپل كردار ترسره كړي۔د اتوار په ورځ د كشمير استحصال ورځ په اړه اے پي پي سره خپلو خصوصي خبرو كښې حريت لارښودو غلام محمد صفي ،سيد يوسف نسيم ايډوكيټ پرويز شاه ووئيل هند د يو سازش نه پس د ټولو لوظنامو خلاف ورزي كولو سره په كشمير غاصبانه قبضه كړې او بيا ئې آئيني ترهه ګري كولو سره په 5 اګست 2019 د كشمير خصوصي حيثيت لرونكې دفعات ختم كړې دي۔ حريت كانفرنس كشمير شاخ كنونئير غلام محمد صفي ووئيل په بنيادي توګه هندوستان د وړومبۍ ورځ راهسې په جموں او كشمير خپله غاصبانه قبضه جائز ګرځولو لپاره هڅې كوي، دې لپاره هند په 5 اګست 2019 دا كار كړې چې په يو اړخيزه توګه ئې جمو او كشمير خپله برخه ګرځولو ناوړه هڅه كولو سره د هند په آئين كښې د كشمير خصوصي حيثيت په اړه شامل دفعات ختم كړې دي۔دې څخه وړاندې په 1957 كښې آئين ساز اسمبلۍ د لارې د كشمير د هند سره د الحاق ډرامه وكړه نو سلامتي كونسل په دې اړه قرارداد منظور كړو چې له امله ئې د هند دغه چال ناكامه شوې ، بيا هم په 5 اګست 2019 ئې د كشمير خصوصي حيثيت ختم كړو، دا ورځ اوس هر كال په سركاري كچه د كشمير استحصال ورځ په توګه لمانځلے كېږي ٬ په ټوله نړۍ كښې په هر فورم د دې ظلم په ضد غږ پورته كېږي،د دې اقدام نه پس د كشمير خصوصي رياستي حيثيت ختمولو سره هغه يونين ټريټري ګرځولې ٬ د كشمير خصوصي حيثيت ختمولو نه پس كوم هم د هند وګړې په كشمير كښې جائيداد اخستلے خرڅولې شي،هند دا خيال لري چې د دې اقدام نه پس به مونږ په خپلو ناوړه مقصدونو كښې بريالي شو او د كشمير خصوصي حيثيت ختم كړې شوې،اوس هلته پوځ ته په سټرټيجكي بنيادونو زمكه الاټ كړې كېږي، كشميريان د نوكرو څخه ويستلو پشمول هر څائې څخه ويستلے كېږي،د مسلمانانو په نامه د موجود سكولونو نامې بدلولې كېږي، په نصاب كښې بدلون كېږي، دلته مذهبي آزادۍ ختم كړې كېږي۔
