ګلګت ۔1 نومبر(اے پی پی)د ګلګت بلتستان ګورنر راجه جلال حسېن مقپون د ګلګت بلتستان آزادۍ جشن مناسب سره راجوړې كړې شوې دستورې ته خطاب كښې ووئيل وزيراعظم عمران خان پرله پسې په دويم ځل دې دستوره كښې د ګډون له امله زمونږ خوشحالي يو په دوه كړې ده او په دې دستوره كښې د ګډون مطلب ددې ځائې اولس سره د هغه بې كچه مينه ده۔ هغه ووئيل د ګلګت بلتستان اولس هېواد سره مينه لرونكي او په هېواد ځان قربان كوؤنكي دي۔ هغه وزير اعظم څخه غوښتنه كولو سره ووئيل چې د ګلګت بلتستان اولس د تېرو 73 كلونو نه د ګلګت بلتستان صوبې جوړېدو ته سترګې په لار دي۔ هيله ده چې وزيراعظم به زمونږ دا پخوانۍ غوښتنه ترسره كړي۔ پي ډي اېم د هېواد د سلامتيا په ضد يو اتحاد جوړ شوے دے او د دښمن بيانيې ته وده وركولې شي۔ هغه ووئيل د ګوجرانوالې په جلسه كښې د پي ډي اېم لارښودو د ګلګت بلتستان د عبوري آئيني صوبې جوړولو مخالفت كړې وو او ددغې بدل به اولس په راتلونكو ټول ټاكنو كښې اخلي
