اسلام آباد 06 دسمبر(اے پي پي) د موسمياتو محكمې وئيلي دي چې د راتلونكو 24 ساعتونو په مهال به د اسلام آباد پشمول په پنجاب، خېبر پښتونخوا، شمالي بلوچستان، ګلګت بلتستان او كشمير كښې وريځ وي او د باران او واورې ورېدو امكان هم دے، په مېنځني او جنوبي پنجاب كښې د سهار په وخت د لړې او د هېواد په نورو سيمو كښې د يخ او خشك موسم امكان دے. د موسمياتو محكمې رپورټ له مخې د تېرو 24 ساعتونو په مهال هم د هېواد په زياتره سيمو كښې موسم يخ او خشك و خو په كالام او سكردو كښې باران شوے. په هېواد كښې د تودوخې تر ټولو ټيټه درجه په لهه او پارا چنار كښې منفي 6 ډګري سېنټي ګرېډ ريكارډ كړې شوې.
