پېښور16 دسمبر (اے پي پي) وزيراعظم عمران خان د خېبر پښتونخوا خپلې دورې په مهال پېښور كښې د انسټيټيوټ آف کارډيالوجي (پي آئي سي) پرانستې نه پس په خپلو خبرو كښې د آرمي بپلك سكول شهيدان په خاص توګه ياد كړي۔ ده د 16م دسمبر په مناسبت سره ووئيل نن هم زما زړه د آرمي پبلك سكول پېښې په ياد ډېر غمژن دے۔ ده ووئيل دې پېښې قام د ترهګرۍ مقابلې لپاره يو موټے كړے او د دې نه پس د پاكستان امنيتي ځواكونو او قام په ګډه ترهګرو له ماتې وركړې۔ ده ووئيل زه د اے پي اېس پېښې د شهيدانو كورنيو په غم كښې برابر شريك يم او د دغه شهيدانو قربانۍ ته پېرزوئنې وړاندې كوم۔ په دې موقع ده او نورو ګډون كوٶنكو د اے پي اېس پېښې شهيدانو لوړو درجو او غمژنو كورنيو لپاره د زغم دعا وكړه
