اسلام آباد 03 جنوري (اے پی پی) پاكستان د ملګرو ملتونو څخه غوښتنه كړې چې هغه دې د كشمير د بشري حقونو فعاله غړې او سياسي لارښودې آسيه اندرابي خوشې كېدو لپاره مداخله وكړي. د خارجه دفتر وياند له مخې پاكستان په نيويارك كښې د ملګرو ملتونو عمومي سېكتر او په جنېوا كښې د ملګرو ملتونو د بشري حقونو هائي كمشنر ته مراجعه كړې چې هغه دې په سمدستي توګه د هند په بدنام زندان تهاړ كښې بند د بشري حقونو فعاله غړې او سياسي لارښودې آسيه اندرابي خوشې كولو لپاره مداخله وكړي. د ملګرو ملتونو د بشري حقونو هائي كمشنر ته وئيلي شوي دي چې د جنورې په 18مه نېټه كال 2020م كښې د عدالت لخوا په هغې د فرد جرم عائد كېدو خطر په نظر كښې ساتلو سره د آسيه اندرابي ژوند په خطر كښې دے. آسيه اندرابي د 15 كلونو نه د زياتې مودې راسې د تورو قوانينو او بې بنسټه تورونو له مخې په غېر قانوني او غېر انساني توګه بند ده. پاكستان د ملګرو ملتونو څخه غوښتنه وكړه چې هغه دې د كشمير د بشري حقونو فعاله غړې او سياسي لارښودې آسيه اندرابي خوشې كېدو لپاره مداخله وكړي.
