اسلام آباد۔9نومبر(اے پی پی) وزيراعظم شهباز شريف په ډپلوميټک انکلیو كښې د “کیس کیډ” پوليس خدمت مرکز دورہ وكړه۔ د خالي په ورځ د وزيراعظم ميډيا آفس لخوا د جاري شوي بيان له مخې د خپلې دورې په مهال وزيراعظم سفارتکارو او بهرني وګړو لپاره د عصري آسانيو لرونكي خدمت مركز جوړيدو ستائنه وكړه۔ وزیراعظم پولیس خدمت مرکز جوړولو له د داخله وزير محسن نقوي اقدام وستائلو۔ وزیراعظم ووئيل سفارتي ورورولۍ سره هره ممكنه مرسته كول زمونږ ترجيح ده٬ په اسلام آباد كښې نړيوال معيار او د روان وخت تقاضې پام كښې نيولو سره د كېس كېډ خدمت مركز جوړېدل د ستائنې وړ دي۔ په دې مركز كښې به د ډرائیونګ لائسنس اجراء او نوي كولو٬ ،کېرېکټر سرټیفکېټ ، د پولیس تصدیق، د بې دركۍ رپورټ او د کرایه دارو د رجسټرېشن آسانۍ ترلاسه كېدې شي۔ دغسې دې مركز كښې به د بهرنيو وګړو د رجسټرېشن، د كورنو ملازمينو د رجسټریشن، د رضا کارانو د رجسټرېشن، د ګاډو د تصديق او د اېف آئی آر كاپۍ ترلاسه كولو په څير خذمات وړاندې كولې شي۔ په دې موقعه آئی جی اسلام آباد پولیس وزیراعظم ته سفارتی ورورولۍ او بهرنيو وګړو ته د ترلاسه كېدونكو آسانيو په اړه بريفنګ وركړو۔ نائب وزيراعظم اسحاق ډار او داخله وزير محسن نقوي هم وزيراعظم سره وو۔
