اسلام آباد 03 ستمبر(اے پی پی)د وزيراعظم يوته پروګرام چيئرمېن رانا مشهود خان وئېلي دي د وزيراعظم يوته پروګرام د ځوانانو صلاحيتونه رامخې ته كولو او د روزګار موقعې٬وسائلو او مرستې وركولو لپاره اقدامات كوي٬ځوانانو ته ټېكنالوجي او روايتي پوهه وركولو ته حكومت پام لرنه كوي ۔د چائنه ټيانګ انټرنېشنل او نېشنل ووكيشنل اينډ ټيكنيكل ټريننګ كمېشن(نيوټيك)په مرسته راجوړې كړی “چائنه سكالرشپ فار يوته سكل ډوېلپمنټ”دستورې ته د وينا كولو په مهال ده ووئيل ځوانانو ته ټېكنالوجي او روايتي پوهه وركولو ته حكومت پام لرنه كو۔ده د چائنيز سكالرشپ پروګرام لپاره په ميرټ ټاكلے شوو زده كوونكو ته مباركي وركړه ٬ ده ووئېل د پاكستان ځوانان صلاحيت لرونكي دي٬دوي هېواد تندرفتاره پرمختګ پلو روانولو كښې مركزي كردار لري۔ده ووئيل زمونږ مقصد دا خبره باوري كول دي چې د پاكستان هر ځوان د نن مسابقتي منظر نامه كښې كاميابېدو لپاره ضرورې پوهې ولري٬هائي ټيك او روايتي پرمختګ دواړو ته پام لرنه كولو سره زمونږ مقصد د روزګار امكانات زياتول او اقتصادي پرمختګ ته وده وركول دي۔
