اسلام آباد۔ 30 اکتوبر(اے پی پی) د وزيراعظم د مذهبي همغږۍ استازي او د پاكستان علماﺀ كونسل چيئرمېن حافظ طاهر محمود اشرفي وئيلي دي وزیراعظم عمران خان چې په سيرت كنفرنس كښې د كومو جذبو څرګندونه وكړه هغه د اسلامي نړۍ د جذباتو څرګندونه ده۔ د جمعې په ورځ نجي ټي وي چېنل سره خبرو كښې هغه ووئيل چې وزيراعظم اعلان كړے دے چې د اتم او نهم جماعت په نصاب كښې به سيرت طيبه ښودلې شي۔ هغه ووئيل دا يوه خوشبينه پرېكړه ده او دې سره به په اسلامي نړۍ كښې د پاكستان كردار لا روښانه شي۔ د سپكاوي خاكو په اړه د يوې پوښتنې په ځواب كښی طاهر محمود اشرفي ووئيل وزیراعظم د ټولو اسلامي هېوادونو مشرانو ته خط ليكلې دے او هغوي سره رابطې هم كوي۔ كه لوئے څښتن ته منظور وي پاكستان به په دې لړ كښې كليدي كردار ترسره كړي۔
