اسلام آباد – 24 ڊسمبر (اي پي پي) سينيٽ چيئرمين ميان رضا رباني چيو آهي ته آمريڪا اسان جي قربانين کي نظرانداز ڪري رهيو آهي، وقت اچي ويو آهي ته ايشيا پنهنجي قسمت جو فيصلو پاڻ ڪري نه ته تاريخ ۾ اسان کي معاف نه ڪيو ويندو، خطي ۾ آمريڪا، اسرائيل ۽ ڀارت جو نئون ڳٺ جوڙ ٺهي رهيو آهي ۽ سپر پاور وچ اوڀر جي توانائي جي ذخيرن تي مڪمل ڪنٽرول ڪرڻ چاهي ٿو، آمريڪي دستاويزن موجب روس، چين، ايران، اتر ڪوريا ۽ جهادي دهشتگرد آمريڪا جي لاءِ چئلينج قرار ڏنا ويا آهن جڏهن ته چين ۽ روس کي آمريڪي سلامتي ۽ خوشحالي متاثر ڪرڻ جو ذريعو قرار ڏنو ويو آهي. اهڙن خيالن جو اظهار هن اسلام آباد ۾ ٿيندڙ ڇهه علائقائي ملڪن جي پهرين اسپيڪرز ڪانفرنس کي خطاب دوران ڪيو.
