اسلام آباد – پهرين نومبر (اي پي پي) گهرو معاملن واري مملڪتي وزير شهر يار خان آفريدي چيو آهي ته ملڪ جي سمورين ڌرين، سول ۽ ملٽري قيادت هڪ پيج تي آهي، جڏهن اهڙي صورتحال هجي ته پاڪستان جي مفادن جو تحفظ ٿيندو ۽ بحرانن مان ڇوٽڪارو ملندو، وزيراعظم پنهنجي خطاب ۾ قانون جي حڪمراني ۽ بالادستي تي ٺاهه نه ڪرڻ جو پيغام ڏنو. قومي اسيمبلي ۾ خيالن جو اظهار ڪندي مملڪتي وزير شهريار آفريدي چيو ته الله جو شڪر آهي ته هن ملڪ کي جنهن اتفاق راءِ جي ضرورت آهي پاڪستان جي سمورين وفاقي ڌرين، سول ۽ ملٽري قيادت هڪ آهي.
