اسلام آباد۔25نومبر(اے پی پی) د سېنيټ چيئرمېن سيد يوسف رضا ګيلاني سره د خپل پلاوي د سعودي عربستان په 5 ورځنۍ دوره روان شوے دے۔ د ګل په ورځ د سېنېټ سېكرټرېټ لخوا د جاري شوي بيان له مخې د سېنېټ چيئرمېن د سعودي ائير لائنز د لارې سعودي عربستان ته روان شو۔ ده ته د دې دورې بلنه د سعودي عربستان د شوری كونسل چيئرمېن وركړې ده۔ د سید یوسف رضا ګیلانی د دورې مقصد دوه اړخيزه تړون او اداره جاتي همكارۍ ته وده وركولې دي۔ د سېنېټ چيئرمېن په مشرۍ كښې پلاوې به د سعودي شوریٰ کونسل چیئرمېن ، د مدينې ګورنر ، د رياض ګورنر او نورو اعلی چارواكو سره ملاقاتونه كوي۔ پلاوې به د عمرې درناوې هم ترلاس كوي۔
