اسلام آباد – 13 اپريل (اي پي پي) صدر ممنون حسين چيو آهي ته پاڪستان ۽ ترڪيءَ جي دانشورن جي ميل جول سان وچ ايشيا ۽ اي سي او ملڪن جي وچ ۾ هڪ نئون لساني ميل ٺهڻ جا امڪان پيدا ٿي ويا آهن، جنهن جي مدد سان جديد شاهراهه ريشم مان وڌ کان وڌ فائدا ملڻ شروع ٿي ويندا ۽ خطي ۾ امن ۽ استحڪام قائم ڪرڻ ۾ مدد ملندي. هن اها ڳالهه يونس ايمري انسٽيٽيوٽ (ترڪ مرڪز ثقافت) جي اهتمام هيٺ منعقد ٿيندڙ تصويري نمائش جي افتتاح جي موقعي تي خطاب ڪندي چئي. ان موقعي تي ترڪي جي سفير احسن مصطفيٰ يورده ڪول، ڊاڪٽر خليل طوقار ۽ ناليواري دانشور فاروق عادل پڻ خطاب ڪيو.
