اسلام آباد 16 اګست (اے پي پي) وزیراعظم محمد شهباز شریف د میاں محمد نواز شریف په قیادت كښې د پنجاب اعلی وزيرې مریم نواز شریف د اړخه د بجلۍ صارفینو لپاره د تاریخی ریلیف پیکیج هركلي كولو سره وئيلي دي تر 500 یونټ بجلي كارونكو لپاره په يو يونټ د 14 روپو ریلیف د میاں محمد نواز شریف او پنجاب اعلی وزيرې عوام دوسته اقدام دے، اولس ته ریلیف وركولو او ګرانۍ كښې كمي ته حکومت پام لرنه كوي۔د جمعې په ورځ د وزیراعظم آفس میډیا ونګ د اړخه جاري شوي بيان له مخې وزیراعظم ووئيل د میاں محمد نواز شریف په سپارښتنه د قلمدان سنبھالولو سره اولسي ریلیف ته حکومت خاص پام لرنه كوي،اوسنيو كښې مونږ د وفاقی حکومت پرمختيائي بجټ 50 اربه کمولو سره د بجلۍ بيعو كښې ریلیف وركرے ٬ چې تر 200 یونټ خرڅ كوونكې صارفین تر ېاستفاده كوي۔ده ووئيل د بجلۍ غلا په ضد اقدامات او د بجلۍ څانګې اصلاحات سره د دې مسئلې د اوږد مهاله حل راويستلو له چمتو يو، ده ووئېل میاں محمد نواز شریف په مشرۍ كښې د معیشت استحکام نه پس د وګړو ژوند آسانولو لپاره ګامونه پورته كوو۔ وزیراعظم ووئيل معاشی استحکام نه پس هېواد په سم پلو روان دے، عوامی ریلیف او ګراني كمولو ته حكومت پام لرنه كوي،د بجلۍ بيعو كمولو تل پاتي حل له كار كوو او دې لپاره هر ممكمن هلې ځلې كوو۔
