اسلام آباد 22 اګست (اے پي پي) صدر مملکت آصف علي زرداري سره د آسيائي پرمختيائي بېنك کنټري ډائريکټر ينګ يے ليدلي۔ په دې موقع صدر مملکت آصف علي زرداري د سېلاب په مهال د بېنك لخوا د پاكستان مرستې سره سره د زراعت ،اوبه خور او تعليم په څانګو كښې د بېنك د خدماتو ستائنه وكړه۔ د زيارت په ورځ د ايوان صدر پرېس ونګ لخوا د جاري بيان له مخې د بېنك کنټري ډائريکټر ينګ يے صدر مملكت په پاکستان كښې د بېنك د سماجي او معاشي پرمختګ د كردار په اړه خبر كړو۔ صدر مملکت د سېلاب په مهال د بېنك لخوا د پاكستان د معاونت ستائنه وكړه او د موسمياتي بدلون مخنيوي لپاره ئې د پاكستان په خدماتو رڼا واچوله۔ ده ووئيل پاكستان په لكهونو اېكړ زمكه مينګروز ځنګلونه كرلي دي۔
