اسلام آباد۔27 اګست(اے پي پي) وزيراعظم شهباز شريف په تېراه ٬ خېبر ضلع كښې د فتنه الخوارج تش د نامې لشكر اسلام او جماعت الاحرار ترھګرو په ضد د امنيتي ځواكونو د كامياب آپرېشن ستائنه كولو سره وئيلي دي په هېواد كښې امن راوستو له د پاك پوځ ځانګړې قربانۍ د هېرولو نه دي ۔ د نهې په ورځ د وزيراعظم آفس ميډيا ونګ لخوا د جاري شوي بيان له مخې وزيراعظم ووئيل د پاك پوځ مېړنو افسرانو او ځوانانو د پېشه ور مهارت او مړانې په څرګندونه د زياتو مطلوبو ترھګرو خارجي لارښودو په شمول 25 ترهګر وژلي او 11 نور يۍ په ژوبل حالت كښې نيولې دي۔ ده ووئيل د آپرېشن په مهال د شهادت درناوے ترلاسه كوؤنكو د پاك پوځ ځوانانو ته زما په شمول ټول قام د عقيدت پېرزوئنې وړاندې كوي۔ وزيراعظم ووئيل په هيواد كښې امن راوستو له د پاك پوځ ځانګړې قربانۍ د هېرولو نه دي۔ د ترهګرۍ عفريت هېواد څخه په بشپړه توګه تر ختمولو له به جنګ روان ساتلې شي۔ ده ووئيل فتنه الخوارج ته به هېڅ صورت كښې هېواد كښې د ناامنۍ او اړي ګړي رامخې ته كولو اجازه ورنه كړې شي۔ ده ووئيل د ترهګرۍ هېواد څخه خاتمې لپاره ټول قام د پاك پوځ تر څنګ ولاړ دے۔
