کراچۍ 30 اګست (اے پي پي) د پاك بحريه درې آف شور پټرول ويسل پي اېن اېس حنېن كراچۍ ته رارسېدلے٬ كراچۍ ته په رارسېدو په پي اېن ډاكيارډ د آف شور پټرول ويسل پي اېن اېس حنېن تود هركلي لپاره دستوره وشوه ، د پاکستان فليټ کمانډر وائس ايډمرل محمد فېصل عباسي په دې موقع خاص مېلمه ٶ۔ د پاك بحريه لخوا د جاري اعلاميه له مخې دستورې ته خپلې وېنا كښې پاکستان فليټ کمانډر په دې خبره رڼا واچوله چې پي اېن اېس حنېن د پاك بحريه بېړۍ كښې شاملېدو سره به د هېواد د سمندري پولو حفاظت لپاره د بحريه صلاحيت زيات شي۔ ده زياته كړه چې د دې جديد او ګڼ اړخيزه بېرۍ شاملېدو سره به په بحر هند كښې د پاك بحريه د ريجنل ميري ټائم سيکيورټي پټرول اقدام لا وده ومومي٬ پي اېن اېس حنېن د مېنځي سائز يو ګڼ مقاصد لرونكے پليټ فارم دے كوم چې جديد ترين اليکټرانک وار فيئر، اينټي شپ، اينټي ايئر وار فيئر وسله او سينسرز، سېلف پروټيکشن او ټرمينل ډيفنس سسټم لري۔ د پي اېن اېس حنين د هر كلي په دستوره كښې د پاك بحريه افسران، سي پي اوز، سيلرز او د عملې غړو او د دوي كورنيو په لويه شمېره ګډون وكړو ۔
