اسلام آباد 07 نومبر (اے پی پی) د وزيراعظم عمران خان په حافظ آباد كښې تود هركلې وكړے شو. د خالي په ورځ وزيراعظم عمران خان د حافظ آباد دورې په مهال د يونيورسټي آف حافظ آباد او د ډسټركټ هېډكوارټرز روغتون د پروژو د بنياد تيګه كېښوده. په دې موقع د يوه اولسي غونډه هم وشوه چې پكښې اولس په لويه شمېره ګډون وكړو. وزيراعظم عمران خان چې كله د غونډې ته ځائ ته ورسېدو نو د هغه تود هركلې وكړے شو. په غونډه كښې د پنجاب وزيراعلٰي سردار عثمان بزدار، وزيرانو او د پارلمان غړو هم ګډون وكړو. د غونډې په ځائ كښې اولس لوي لوي بېنرونه پورته كړي چې دپاسه پرې د وزيراعظم عكسونه لګېدلي وو. وزيراعظم عمران خان غونډې ته په خپله وېنا كښې په تود هركلي كولو مننه وكړه. ده په كاميابه غونډه كولو ځائي مشرانو ته مباركي وركړه. د حافظ آباد پوهنتون او د روغتون د زر جوړولو اعلان كولو سره وزيراعظم ووئيل چې دا ستاسو حق او زمونږ فرض دے. ده ووئيل چې زه په دې خوشحاله يم چې د پنجاب حكومت د روان 2020م كال تر پاې د پنجاب 50 فيصده اولس ته د صحت انصاف كارډ رسولو پرېكړه كړې. وزيراعظم ووئيل چې تر كال 2021م نه ټول پنجاب ته د صحت كارډ ورسولې شي. وزيراعظم ووئيل چې د ناروغې په صورت كښې په صحت كارډ كومه كورنۍ تر 10 لكه روپو علاج د هر ځائ نه كولې شي، دا د دوي خوښه ده چې علاج د سركاري روغتون نه كوي يا نجي روغتون نه. ده ووئيل چې د پاكستان په 73 كلن تاريخ كښې په وړومبي ځل عام وګړے مطمئن دے چې د ناروغې په وخت د علاج اسانيې به ترلاسه كړي. ده ووئيل چې د نړۍ په مالداره هېوادونو كښې هم داسې اسانيې نشته. ده ووئيل چې د صحت كارډ د لارې به په كليوالو سيمو كښې نجي روغتونونه جوړ شي. په خېبر پښتونخوا او پنجاب كښې به د نجي روغتونونو جال وغزول شي. وزيراعظم عمران خان په خپله وېنا كښې د پناه ځايونو په جوړولو، نوې پاكستان هاٶسنګ پروژه ، په هېواد كښې د احتساب په نظام او ګټه هم رڼا واچوله.
