ملتان 22 نومبر (اے پي پي) خارجه وزير مخدوم شاه محمود قريشي وئيلي دي چې هند په پاكستان كښې د ترهګرې پلان جوړوي، د جارحيت به بشپړه ځواب وركولې شي، هندوستان دې مقصد لپاره يو سېل جوړ كړے او دې لپاره ئې 80 اربه رقم بېل كړے، پاكستاني حكومت د خپلو اندېښنو نه نړيواله ټولنه خبره كړې، د هند په چالونو به خاموش پاتې نه شو، زمونږ د امن خواهش دې زمونږ كمزوري ونه ګڼلې. ده دا خبرې په ملتان كښې كاركنانو او بېلا بېلو پلاوو سره د ملاقات په مهال په خپلو خبرو كښې وكړې. خارجه وزير ووئيل چې د هند رويه غېر ذمه وارانه ده او په هر محاذ به ناكامې سره مخ كېږي. ده ووئيل چې په منطقه كښې امن نه يوازې زمونږ خواهش دے بلكې دا زمونږ وړومبې ترجيح هم ده خو زمونږ د امن خواهش دې زمونږ كمزوري ونه ګڼلې شي. ده ووئيل چې كوم ډول جارحيت به پوخ ځواب وركولې شي، د پاكستان په پلو په ناوړه نظر كولو به د دوي سترګې وباسو.
