اسلام آباد 21 دسمبر (اے پي پي) په هېواد كښې د كورونا مثبت كېسونو تر ټولو زيات تناسبت په كراچې كښې 13.01 فيصد شو، په لاهور كښې په دوهم نمبر د كورونا تناسب 9.49 فيصد او په دريم نمبر په مير پور كښې 8.47 فيصد دے. د ګل په ورځ د نېشنل كمانډ اېنډ آپرېشن سنمر ﴿اېن سي او سي﴾ لخوا جاري شوو شمېرو له مخې په هېواد كښې د كورونا د 2 زره 403 رنځورانو حالت اندېښمن دے او د داسې رنځورانو شمېره مخ په زياتېدو ده. د كورونا د مثبت كېسونو د تناسب په لحاظ په آزاد جمو كشمير كښې 8.25 فيصد، په بلوچستان كښې 4.7 فيصده، په ګلګ بلتستان كښې 1.22 فيصد، په اسلام آباد كښې 3.58 فيصد، په خېبر پښتونخوا كښې 6.41 فيصد، په پنجاب كښې 3.40 فيصد او په سندھ كښې دا تناسب 7.91 فيصد دے. په لاهور كښې تناسب تر ټولو زيات 9.49 فيصد دے. په خېبر پښتونخوا كښې تر ټولو زيات تناسب په پېښور كښې 6.36 فيصد دے. په هېواد كښې د كورونا په وبا كښې د مړو كسانو شمېره 9 زره 392 ته رسېدلې كومه چې په ټوله نړۍ كښې د شوو مرګونو د 2.21 فيصده په مقابل كښې 2.04 فيصد ده. په هېواد كښې په كورونا كښې په شوو مرګونو كښې 70 فيصده نارينه په حق رسېدلي چې اوسط عمرونه ئې 61 كاله دي، په حق رسېدليو كښې 77.5 فيصد هغه كسان وو د كومو عمرونه چې د 50 كالو نه زيات وو. په حق رسېدليو كښې 73 فيصده كسان په بېلا بېلو رنځونو اخته وو. په حق رسېدليو كښې 91 فيصده په روغتونو كښې تر معالجې لاندې وو او 58 فيصده رنځوران په وېنټي لېټرز د علاج په مهال په حق رسېدلي دي
