اسلام آباد۔26 فروری (اے پی پی) د پاكستان علماﺀ كونسل او د هېواد د مذهبي ګوندونو په اپيل د جمعې په ورځ د ګرد هېواد په جوماتونو كښې د سري لنكا د مسلمانانو تر ټولو مهمې مسئلې په حل كولو وزيراعظم عمران خان ته د عقيدت پیرزونې وړاندې كړې شوې۔ د پاكستان علماﺀ كونسل لخوا د جاري شوي بيان له مخې د پاکستان علماءکونسل چیئرمېن حافظ محمد طاهر محمود اشرفی د جمعې لمونځ اجتماع ته خپل خطاب كښې ووئيل وزيراعظم عمران خان د اسلامي نړۍ د يو ستر لارښود كېدو حق ادا كړے دے۔ اسلامي شريعت د مسلمانانو د مړو د سېزلو په ځائې د هغې د دفن كولو حكم كوي او د سري لنكا حكومت لخوا د مړو د سېزلو امر د لاسه نه يوازې د سري لنكا بلكې د ګردې نړۍ مسلمانان اضطراب سره مخ وو۔ وزيراعظم عمران خان دا مسئله حل كولو سره د رسول اكرم (ص) هغه حكم عملي كړې كوم كښې چې مسلمانان د يو وجود په ډول ښودلے شوي دي۔
