اسلام آباد 25 جولائي (اے پي پي) وزيراعظم محمد شهباز شريف وئيلي دي د پاکستان معيشت مخ په ښه كېدو دے، د معيشت بحالۍ لپاره سختې پرېكړې مو وكړې، مونږ رياست ته په سياست ترجيح وركولو سره هېواد د ديواليه ساتلے٬ د خېبرپښتونخوا په خاص توګه د ضم شوو ضلعو پرمختګ ته حكومت یام لرنه كوي٬ د دې ضلعو بهتر تعليم لپاره به دانش سكولونه جوړولې شي۔ د زيارت په ورځ د وزيراعظم آفس ميډيا ونګ لخوا د جاري خبر پاڼې له مخې د دې خيالاتو څرګندونه ده د خېبر پښتونخوا د قامي او صوبائي اسمبلۍ غړو سره وكړه چا چې دوي سره په اسلام آباد كښې ملاقات وكړو ۔ په دې موقع نائب وزيراعظم او خارجه وزير اسحاق ډار، وفاقي وزير انجينئر امير مقام، د خېبرپښتونخوا ګورنر فېصل کريم کنډي او اړوند چارواكي هم موجود وو۔ په ملاقات كښې ټاكلو استازو د وزيراعظم په مشرۍ كښې د پاکستان معيشت په بهترۍ دوي ته پېرزوېنې وړاندې كړې ۔ په دې موقع دوي وزيراعظم د خپلو اړوندو سيمو د مسئلو نه هم خبر كړو۔ په دې مهال وزيراعظم ووئيل د لوي څښتن په كرم سره د پاکستان معيشت بهترۍ پلو روان دے٬ د خېبر پښتونخوا په خاص توګه د ضم شوو ضلعو پرمختګ ته حكومت پام لرنه كوي ، تاريخ ګواه دے چې د ضم شوو ضلعو پرمختګ لپاره مسلم ليګ (ن) په ترجيحي بنيادونو اقدامات كړي۔ وزيراعظم ووئيل په ضم شوو ضلعو كښې د صحت او تعليم معياري سهولتونه به باوري كوٶ٬ د صوبې په خاص توګه د ضم شوو ضلعو غريبې او د مېنځنۍ طبقې ته د نړيوال معيار اسانۍ وركولو لپاره به هلته دانش سکولونه جوړولې شي۔ وزيراعظم ووئيل د بجلۍ په څانګه كښې اصلاحات سره سږ كال د اربونو روپو د بجلۍ غلا كېدو خاتمې له هڅې كوٶ، ټاكلي نمائندګان دې د بجلۍ غلا مخنيوي لپاره د حكومت معاونت وكړي ۔ وزيراعظم ووئيل ګرد هېواد كښې زرعي ټيوب ويلز د نمر په توان منتقل كېږي٬ زرعي ټيوب ويلز د نمر په توان منتقل كېدو سره به نه يوازې زرعي څانګه وده ومومي بلكه كروندګرو ته به په لږ مصرف بجلۍ ترلاسه شي٬ د كر زمكه به زياته شي بلكې د درآمدي اېندهن په مد كښې به د اربونو ډالرو بچت هم اوشي۔ ده ووئېل په دې وروستيو كښې غرېبې او مېنځنۍ طبقې ته د بجلۍ په بلونو كښې لوئي ريليف وركړے شو۔ وزيراعظم ووئيل د پاکستان معيشت بحالۍ لپاره مو سختې پرېكړې كړي ٬ مونږ رياست ته په سياست ترجيح وركولو سره هېواد د ديواليه كېدو نه بچ كړے۔ وزيراعظم ووئيل تاسو ټول په خپلو سيمو كښې ښه خواري وكړئ٬ اولس ته ريليف وركول ستاسو وړومبۍ پام لرنه پكار ده ۔ وزيراعظم په دې موقع د نائب وزيراعظم په مشرۍ كښې يوه كمېټي جوړه كړه كومه چې به د خېبر پښتونخوا د ټاكلو نمائندګانو مسئلو تل پاتې حل لټوي۔
