اسلام آباد 26 جولائي (اے پي پي) د سېنېټ چيئرمېن سيد يوسف رضا ګېلاني هوشاب كښې په امنيتي ځواكونو د ترهه ګرو د بريد غندنه كړې ده ۔د سېنېټ سېكرټرېټ لخوا جاري شوي بيان له مخې د سېنېټ چيئرمېن د ترهه ګرو بزدلانه بريد ناكامه كولو په اړه امنيتي ځواكونو ته پېرزوئنې وړاندې كړې او شهيد شوي د سي ټي ډي مېړنې اهلكار ابرار ته ئې د عقيدت پېرزوئنې وړاندې كولو سره ووئېل د شهيد ابرار غوندې نران زامن د هېواد عزت دے٬د هېواد دفاع په باوري كولو د شهيدانو عظيمې قربانۍ به تل ياد ساتلې شي۔د سېنېټ چيئرمېن د شهيدانو كورنۍ سره غمرازي ښكاره او د يووالي څرګندونه ئې وكړه ۔ده ووئيل د غم په دې سخت وخت كښې د شهيدانو كورنۍ په غم كښې برابر شريك يو۔سيد يوسف رضا ګېلاني ووئيل ترهه ګر عناصر به چرې هم په خپلو ناپاكه عزائمو كښې كاميابۍ ته پرې نه ږدو۔ټول قام د ترهه ګرۍ خاتمې لپاره د امنيتي ځواكونو ادارو سره اوږه په اوږه ولاړ دے۔دعا ده چې لوئي څښتن شهيد ته لوړې درجې او غم جنې كورنۍ له د زغم توفيق وركړي۔
