اسلام آباد 29 جولائي (اے پي پي) د خزانې وفاقي وزير سينيټر محمد اورنګزيب وئيلي دي د پاکستان او امريکې ترمېنځه دوه اړخيزه اړيكې د اهميت وړ دي٬ حكومت د توان په څانګه كښې اصلاحات او د سرکاري ملکيتي ادارو د ګورننس بهترۍ لپاره اقدامات كوي۔ ده دا خبره د ګل په ورځ امريكې له د پاكستان نومولي شوي سفير رضوان سعيد شېخ سره په ملاقات كښې كړې ۔ وفاقي وزير رضوان سعيد شېخ ته په امريكې كښې د سفير په توګه په تقررۍ مباركي وركولو سره د دواړو هېوادونو ترمېنځه د دوه اړخيزه اړيكو په اهميت زور رواړو۔ ده نومولے سفير د واشنګټن ډي سي خپلې دورې،نړيوال بېنك او د آئي اېم اېف سره د پسرلي موسم غونډو په مهال د شوو ملاقاتونو نه خبرولو كښې د نړيوال مالياتي فنډ سره د سټاف لېول اوسنۍ لوظنامې نه هم خبر كړو۔ د خزانې وزير نومولي سفير ته په پاکستان كښې د اصلاحاتي تګلارې په اړه ووئيل د توان په څانګه او په رياستي ملکيتي انټرپرائزز كښې اصلاحات او نجکاري پلو پام لرنه كوٶ۔ سفير رضوان سعيد شېخ د وزارت لخوا د نزدې مرستې او د ژورې خوښۍ لرلو پهخ اړه مننه وكړه۔ ده د پاکستان معاشي اصلاحات تګلاره په نړيوال پلېټ فارم رامخې ته كولو لپاره د خپل عزم پخلے وكړو۔۔
