کوئټه 17 اګست (اے پي پي) د كورنيو چارو وفاقی وزیر محسن نقوی مستونګ كښې د پنجګور شهيد شوې ډپټي کمشنر ذاکر بلوچ غمرازۍ لپاره تربت كښې د هغه كور ته لاړو۔د فرنټیئر کور ساؤتھ بلوچستان آئی جي میجر جنرل بلال سرفراز خان هم ده سره وو،د كورنيو چارو وزير د شهيد ډپټي کمشنر پلار کنر بلوچ، وروڼو او كورنۍ سره ملاقات وكړو او هغوي سره د شهيد ډپټي كمشنر په شهادت د افسوس څرګندونه وكړه۔په دې موقع د كورنيو چارو وزیر د شهيد ذاکر بلوچ کورنۍ لپاره دوه كروړه مالي امداد اعلان وكړو،ده د شهيد ډپټي کمشنر پلار له د پلاټ الاټمنټ ليټر هم وركړو۔د كورنيو چارو وفاقی وزیرد شهيد ډپټي كشمنر پلار ته د صدر او وزیراعظم د غمرازۍ خصوصی پیغام هم ورورسولو۔په دې موقع په خپلو خبرو كښې د كورنيو چارو وزير محسن نقوی وئويل د شهيد ذاکر بلوچ د كورنۍ خيال ساتل زمونږ ذمه واري ده،ذاکر بلوچ د شهادت لويه رتبه ترلاسه كړي او د شهيدان عمر له ژوندي وي د هغه د هېواد لپاره قرباني به عمر له ياد ساتلے شي۔
