اسلام آباد 21 اګست (اے پی پی)نائب وزيراعظم او خارجه وزير اسحاق ډار وئېلي دي چې اپو سټائل ويب ايپلي كېشن اجرا كښې ولاړ خنډان لرې كړی شي٬د اپوسټائل ويب ايپلي كېشن سره به د ويري فيكشن كار آسان شي۔د دې خيالاتو څرګندونه ده د شورو په ورځ په خارجه دفتر كښې د اپو سټائل ايپلي كېشن اجرا پرانستې دستورې ته وينا كښې وكړه۔نائب وزيراعظم ووئيل د ابو سټائل ويب ايپلي كېشن كاميابولو كښې زيات پړاؤنه ترسره شوي٬د دې ايپلي كېشن اجرا سره به اولس په اوږدو قطارونو كښې نه اوږدرېږي٬ده ووئيل د دې ايپلي كېشن په اجرا د څه مودې راهيسې كار روان وو۔ده ووئيل چې داپو سټائل ايپلي كېشن اجرا خوشبينه ده٬د اپو سټائل كنونشن باقاعده پرانستې دستوره د اسلام آباد په خارجه وزارت كښې شوې۔نائب وزيراعظم د دستورې مشري وكړه چې پكښې د خارجه وزارت٬د انفارمېشن ټېكنالوجي وزارت او نېشنل انفارمېشن ټېكنالوجي بورډ چارواكو ګډون وكړو۔په دې موقع په خپله وينا ګښې نائب نائب وزيراعظم د اولسي آسانيو د حكومت ترجيح او د دستاويزات تصديق او قانوني حيثيت آسانولو سره كوټلې اولسي خذمات وركولو كښې د خارجه وزارت د هڅو خاكه وړاندې كړه۔ده د وزارت په افسرانو زور راوړو چې د اولس خذمت په لړ كښې متحرك شي۔
