اسلام آباد۔19اګست(اے پی پی) د قامي اسمبلۍ سپيكر اياز صادق په 19 اګست 2014 د پارليمان محاصره كېدل د جمهوريت خلاف يو ناوړه سازش ګرځولو سره وئيلي دي د دغې پېښې چې څومره هم غندنه وكړې شي لږ ده٬ د پارليمان د عزت او وقار حفاظت په مونږ ټولو لازم دے۔ د ګل په ورځ د قامي اسمبلۍ سپيكر په پارليمان د بريد 10 كاله په بشپړېدو خپل پېغام كښې ووئيل د 19 اګست 2014 ورځ به د هېواد په تاريخ كښې د تورې ورځې په توګه ياد ساتلې شي٬ لس كاله وړاندې په ننۍ ورځ د پارليمنټ محاصره كول د جمهوريت په خلاف ناوړه سازش ؤ ٬ د دغه پېښې چې څومره هم غندنه وكړې شي لږه ده۔ سپيكر ووئيل پارليمان د هېواد تر ټولو اعلی اداره ٬ د جمهوريت بنياد او د اولس د هيلو ترجمان دے٬ د هېواد پرمختګ او د اولس خېر ښېګړه د پارليمنټ پياوړتيا سره تړلې ده۔ ده ووئيل د پارليمنټ د عزت او وقار حفاظت په مونږ ټولو لازم دے۔ سپيكر په هغه ورځ په 19 اګست 2014 د هغه وخت حكومت او د پارليمان دفاع لپاره د اودرېدونكو سياسي ګوندو د كردار ستائنه وكړه۔ ده ووئيل د كال 2014 متشدد لاريونونو په ګرده نړۍ كښې د پاكستان تشخص ته زيان ورسولو او د دغې د لاسه د چين صدر خپله ټاكلې دوره وځنډوله۔ سردار ایاز صادق ووئيل د هېواد د مسئلو حل يوازينۍ لاره جمهوريت او پارليمنټ سره ده۔ ده ووئيل د پارلیمان او جمهوریت مستحكم كولو له به تل هڅې كوم ٬ د اولس خېر ښېګړه اولنۍ ترجيح ده او پارليمان د دې د ترسره كولو عزم لري۔
