اسلام آباد 10 ستمبر (اے پي پي) د دفاع وزير خواجه محمد آصف وئيلي دي تحريك انصاف په خپله جلسه كښې نامناسب ټكي استعمال كړي او وفاق ئې چيلنج كړے،د هېواد وجود د يو كس د وجود سره لازم ګرځول سم نه دي ۔ د نهي په ورځ قامي اسمبلۍ كښې د پي ټي آئي غړي علي محمد خان د اعتراض په نكته خواجه محمد آصف ووئيل تيره روځ په پېښو تفصيلي بحث شوے خو كله چې هغوي اووائي چې خان نه وي نو پاكستان به نه وي د دې بل څه ري ايكشن به راځي،د هېواد وجود د يو كس د وجود سره لازم ګرځول سم نه دي،تيره ورځ چې څه شوي هغه د هغوې د جلسې غبرګون ؤ۔ده ووئيل د دې ايوان په تاريخ كښې چرې داسې نه دې شوي چې پرېس ګيلري او دا ايوان يو ډول موقف لري،زمونږ هم او د خبريالانو هم زړه آزار شوے،د ميرمنو په اړه نامناسب ټكي استعمال شوې او وفاق پاكستان چيلنج كړے شوے۔ده ووئيل د اقتدار په مال او د اقتدار څخه د جلا كيدو نه پس د پي ټي آئي هلې ځلې مونږ ليدلي، د هغوي هلي ځلي جمهوري اقدارو سره مماثلت نه لري،د هغوي ټولي خبري د هېواد د سلامتيا په ضد دي۔ ده ووئېل په 9 مئي ملټري ټارګټ وه او د هغوي توهين شوے، د كرنل شير خان مجسمه په ماتولو د هغه توهين شوے او بيا په 6 ستمبر هلته ځي فاتحه خواني كوي ٬ دې څخه زيات منافقت نور څه كيدے شي۔
