اسلام آباد – 21 مارچ (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته نواز شريف ۽ آصف علي زرداري ڪرپشن جي فصل کي ايترو پاڻي ڏنو آهي جو اها هاڻي ڪرپشن سنگلاخ وڻ جو روپ اختيار ڪري وئي آهي، نواز شريف 300 ارب رپين جي ڪرپشن سان جيل ۾ آهي جڏهن ته آصف علي زرداري به جلد ايتري ئي 300 ارب رپين جي ڪرپشن جي ڪيس ۾ جيل ۾ هوندو. اطلاعات ۽ نشريات واري وفاقي وزير جهلم ۾ ٻيلن جي عالمي ڏهاڙي جي موقعي تي ”پلانٽ فار پنجاب“ تحت وڻڪاري مهم جي افتتاحي تقريب کي خطاب ڪري رهيو هو.
