اسلام آباد 29 جولائي (اے پي پي) وزيراعظم شهبازشريف په غيرمعمولي بارانونو كښې د اولس د ځان او مال حفاظت لپاره د اقدامات باوري كولو سپارښتنې سره ووئيل د اوبو لاندې سيمو نه د وګړو په وخت ويستل ٬ د اوبو ويستلو سره د طبي عملې ، داروګانو او په وخت درملنې او د ويکسين وركړه دې باوري كړې شي۔ د ګل په ورځ د وزيراعظم آفس ميډيا ونګ د اړخه جاري شوي بيان له مخې وزيراعظم نېشنل ډيزاسټر مينجمنټ اتھارټي (اين ډي اېم اے) ته د بيړني حالاتو مخنيوي لپاره په سمدستي توګه د ګامونو پورته كولو سپارښتنه وكړه۔وزيراعظم اين ډي اېم اے ته څلورو واړو صوبائي حکومتونو، د آزاد جمو او کشمير او د ګلګت بلتستان حكومتونو د معاونت هم سپارښتنه وكړه۔وزيراعظم د اسلام آباد انتظاميې ته سپارښتنه وكړه چې د اوبو وېستلو ، د وګړو اسانيو لپاره د اقدامات او صورتحال پرله پسې څارنه وكړئ ، ادارې دې شريكه توګه اقدامات باوري كړي۔وزيراعظم سپارښتنه وكړه چې د اوبو لاندې سيمو كښې د وګړو په وخت انخلاء او د اوبو ويستلو باوري كولو سره طبي عمله ، داروګان او په وخت درملنه او ويکسين باوري كړئ ،دغسې وزيراعظم په دې مهال د واټرپمپس او نورې مشينرۍ وركولو هم سپارښتنه وكړه۔
