ملګري ملتونه 06 اګست (اے پي پي) په ملګرو ملتونو كښې د پاكستان مستقل استازي مندوب منير اکرم د فلسطين او د هند په غېر قانوني تسلط لاندې جمو و كشمير كښې په مماثلت رڼا اچولو سره وئيلي دي په دواړو سيمو كښې د دوه بنيادي نړيوالو اصولو٬ د خپلواكۍ د حق او د طاقت په زور په يوه سيمه د قبضې نه كولو خلاف ورزۍ كېږي۔ په ملګرو ملتونو كښې د پاکستان مستقل مشن او قونصليټ جنرل لخوا په مشتركه توګه د كشمير يووالي غونډې ته خپلې وېنا كښې ده ووئيل د انصاف د نړيوال عدالت (آئي سي جے) د پرېكړې اطلاق نه يوازې د اسرائيل په د تسلط لاندې فلسطينو سيمو باندې كېږي بلكې دا د نړيوال قانون برخه ګرځېدلې او د دې اطلاق د هند په غېر قانوني تسلط لاندې جمو و كشمير هم كېږي۔ ده ووئيل د ملګرو ملتونو هم دا ذمه واري ده چې ھغوي په دواړو سيمو كښې غېر قانوني صورتحال تسليم نه كړي او د قابضو قواؤ غېر قانوني موجودګي ختمولو لپاره په نوره كاروائۍ غور وكړي۔ ده ووئيل پاكستان به د فلسطين معاملې سره سره د مقبوضه جمو و كشمير په معامله هم د آئي سي جے د دې نتيجو د لاګو كولو هڅه كوي۔ دستورې ته د ورلډ کشمير اويئرنس فورم سيکرټري جنرل ډاکټر غلام نبي فائي، سينئر فلسطيني خبريال او پروفېسر عبدلحميد صيام، سفير حميد اجيبائي اوپيلوئيرو، د ملګرو ملتونو او او آئي سي د مشن مستقل مبصر او دفاعي پېداوار لپاره د سېنېټ د قائمه كمېټۍ پخواني چيئرمېن ليفټيننټ جنرل (ر) عبدالقيوم هم وېنا وكړه۔
