کراچۍ 09 اګست (اے پي پي) وزيراعظم محمد شهباز شريف وئيلي دي چين او پاکستان عظيم دوستان دي، د دواړو هېوادونو د هماليه نه لوړه٬ د سمندر نه ژوره او د شهاتو نه خوږه ورورولي او دوستي اوس په سرمايه کارۍ، معاشي او تجارتي اړيكو په خاص توګه زراعت، انفارميشن ټيکنالوجي، معدنيات ٬ کان کنۍ او د بنيادي ډھانچې په څانګو كښې د مرستې په شكل بدلېږي، د سي پېك راتلونكے پړاٶ به په خاص توګه صنعتي څانګه كښې په بزنس ټو بزنس انتظامات مشتمل وي۔ د دې خيالاتو څرګندونه ده د جمعې په ورځ د چين پشمول پاكستان كښې کاروبار كوونكو د نړيوالو كمپنو نمائندګانو ته خپلې وېنا كښې وكړه۔ په دې موقع د سندھ ګورنر او وزيراعليٰ، وفاقي وزيران، نوموړي کاروباريان اواعليٰ افسران هم موجود وو۔ وزيراعظم ووئيل كله چې ما ته معلومه شوه چې په دې نندارتون كښې په 150 كاوباري شخصياتو اډانه د چين پلاوي هم ګډون كوي نو زه ډېر خوشحاله شوم او ما دوي د غرمې په مېلمستياﺀ راوبلل۔ وزيراعظم ووئيل پاکستان او چين آئرن برادرز دي، د دواړو هېوادونو د هماليه نه لوړه٬ د سمندر نه ژوره او د شهاتو نه خوږه ورورولي او دوستي اوس په سرمايه کاري، معاشي او تجارتي اړيكو په خاص توګه زراعت، انفارميشن ټيکنالوجي، معدنيات ٬ کان کنۍ او بنيادي ډھانچې په څانګو كښې د مرستې په شكل بدلېږي۔ وزيراعظم ووئيل ما په جون كښې د چين د شانكسي ولايت دوره كړې ٬ مونږ يو مهم زرعي پوهنتون او د سلګونو اېكړه په تحقيقي مركز وګرځولے شوو ،د دغې مركز دورې نه وروستو مونږ خپل زرعي ګرېجوټېس زده كوٶنكي اعليٰ تربيې لپاره چين ته د لېږلو پرېكړه وكړه په دې لړ كښې پروګرام ته حتمي شكل وركړے شوے۔ د چين خپل همڅنګ سره د مشاروت نه وروستو به د پاكستان دا زده كوٶنكي د چين په پوهنتونونو كښې ريفريشرکورسز كوي۔ وزيراعظم ووئيل پاکستان د زرعي معيشت وړ هېواد دے ٬ د هېواد 60 فيصده آبادي په كليوالو سيمو كښې مېشته ده، پاکستان له خپل زرعي پېداوار زياتولو ته اړتيا ده ٬ تېر كال د پاکستان په زرعي برآمدات كښې 3 اربه ډالره اضافه شوې او سږ كال تر 7 اربه ډالرو هدف مقرر شوے ، دا يو لوئي هدف دے ٬ د دې سر كولو لپاره هڅو ته اړتيا ده۔ ده ووئېل پاکستان زرعي پيداوار كښې اضافې لپاره جديد ټيکنالوجي او جديد طريقو خپلولو او او دې نه وروستو برآمدات لپاره ويليوايډډ مصنوعات ته ضرورت لري٬ د دې څانګې هدفونه سر كولو كښې چين د پاكستان مهم شراكتدار جوړېدے شي۔ ده ووئيل د چين د پلاوي موجودګي زمونږ لپاره د ډاډ وړ ده۔ده د چين سوداګرو ته د پاكستان سوداګرو سره بزنس ټو بزنس لوظنامې كولو په ضرورت زور رواړو۔ وزيراعظم ووئيل چين او پاکستان عظيم دوستان دي٬ د دواړو هېوادونو دوستي د هماليه نه لوړه٬ د سمندر نه ژوره او د شهاتو نه خوږه ده٬ پاکستان د چين په مرسته خپله سياره خلاء ته لېږلې٬ اوس به د دواړو هېوادونو ترمېنځه اړيكې د سي پېك په فېز ټو كښې نورو تجارتي او معاشي اړيكو باندې بدلې شي۔
