اسلام آباد 09 اګست (اے پي پي) پاکستان وئيلي دي مونږ به د سلامتي کونسل قراردادو له مخې د جمو و كشمير كشالې سپېځلي او سوله ايز حل لپاره د کشميريانو سياسي، سفارتي او اخلاقي ملاتړ روان ساتو۔ دا خبره د خارجه دفتر وياندې ممتاز زهره بلوچ د جمعې په ورځ په پرېس بريفنګ كښې كړې۔ دې ووئيل د اونۍ په پېل كښې د پاکستان اولس او حكومت د كشمير خپلو وروڼو خوېندو سره د يووالي په توګه د هند په غېر قانوني تسلط لاندې جمو و كشمير كښې د هند د 5م اګست كال 2019 د غېر قانوني او يو اړخيزه اقداماتو په پنځه كالو ترسره كېدو د “يوم استحصال” ورځ لمانځلې۔ وياندې ووئيل نائب وزيراعظم او خارجه وزير محمد اسحاق ډار د ملګرو ملتونو او د اسلامي مرستې نتظيم مشرانو ته خطونه ليكلي او د هغوي پام ئې د 5 اګست كال 2019 راهسې د هندي اقداماتو سنګينو تنيجو پلو ګرځولے او په دې خبره ئې زور راوړے چې د ملګرو ملتونو د سلامتي کونسل قراردادونو له مخې دې د جمو و كشمير اولس ته د خپل سباٶن پخپله د پرېكړې كولو موقع وركړې شي۔
