اسلام آباد۔11دسمبر(اے پی پی) د خېبر پښتونخوا ګورنر فيصل كريم كنډي وئيلي دي مول پاكستان په تېرو 25 كلونو كښې نه يوازې ځايي معيشت ته ګټه رسولې ده بلكې د توان په څانګه كښې د عصري ټيكنالوجۍ كارولو او نوو موقعو په رامخې ته كولو كښې يۍ هم مهم كردار ترسره كړے۔ د دې خيالاتو څرګندونه ده د مول پاکستان آئل اېنډ ګېس کمپنۍ 25 مې سالګرې په موقع سلور جوبلي دستورې ته خطاب كښې وكړه۔ په دستوره كښې وفاقي وزير جام کمال ، پخواني وفاقي وزير سيد نويد قمر ٬ حنيف عباسي ٬ د مول سي اي او علي مرتضی عباس په شمول حكومتي استازو ٬ د صنعت پوهانو او د ژوند بېلو برخو سره تعلق لرونكو غړو ګډون وكړو۔ دستورې ته خپل خطاب كښې ګورنر د مول پاكستان د خذمات ستائنه وكړه۔ ده ووئيل دا كمپنۍ په پاكستان كښې د توان په څانګه كښې يو ښكاره مقام لري۔ ده ووئيل مول پاكستان په تېرو 25 كلونو كښې نه يوازې ځايي معيشت ته ګټه رسولې بلكې د توان په څانګه كښې د عصري ټيكنالوجۍ كارولو او نوو موقعو په رامخې ته كولو كښې يۍ هم مهم كردار ترسره كړے۔ ده ووئيل د سلور جوبلي په موقع د كمپنۍ سي اي او د هغه ټوله ډله د مباركۍ مستحق ده۔ ده ووئيل په خېبر پښتونخوا كښې ګورنر هاؤس ستاسو خذمت لپاره چمتؤ دے۔ ده ووئيل زه غواړم چې د كاميابۍ او د پاكستان د پرمختګ دا لړۍ دغسې روانه وي۔ د دستورې په پېل كښې د مول پاكستان سي اي او علي مرتضی عباس د كمپنۍ په كاميابو رڼا اچولو سره ووئيل دې كمپنۍ د خپل جدت ٬ معيار او عزم د لارې د توان بحران حل كولو كښې په زړه پورې ګامونه پورته كړ۔ ده د دې عزم څرګندونه وكړه چې كمپني به سباؤن كښې هم د پاكستان د توان ضرورت ترسره كولو كښې خپل كردار ترسره كوي
