اسلام آباد – 08 فيبروري (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته عمران خان جيڪا تحريڪ هلائي اها عام انسان جو آواز بڻي، ملڪ مان ڪرپشن جو خاتمو، گورننس جي بهتري ۽ مڊل ڪلاس جي حقن جي اهم نقطن تي هو ڪالهه به بيٺو هو ۽ اڄ به بيٺل آهي، پهرين مرحلي ۾ حڪومت جي تبديلي ٿي ٻي مرحلي ۾ نظام کي بدلائينداسين. اهڙن خيالن جو اظهار هن نيشنل پريس ڪلب ۾ سينئر اينڪر ۽ قلم ڪار عاليه شاهه جي نئين ڪتاب ”عمران خان ۽ نئون پاڪستان“ جي مهورتي تقريب کي خطاب ڪندي ڪيو.
