اسلام آباد – 06 – نومبر (اي پي پي) اطلاعات ۽ نشريات واري مملڪتي وزير فرخ حبيب چيو آهي ته نومبر 1947ع تي ڀارت ڪشميرين تي ظلم جا پهاڙ ڪيرايا، لکين مسلمانن کي بي رحمي سان قتل ڪيو ويو. اهڙن خيالن جو اظهار هن ڄمون جي شهيدن جي ڏهاڙي جي موقعي تي پنهنجي بيان ۾ ڪيو. هن چيو ته آزاد ڄمون ۽ ڪشمير، پاڪستان ۽ پوري دنيا ۾ ڄمون ۽ ڪشمير جي شهيدن کي زبردست انداز ۾ خراج عقيدت پيش ڪيو پيو وڃي. فرخ حبيب چيو ته 6 نومبر 1947ع تي ڀارت ڪشميرين تي ظلم جا پهاڙ ڪيرايا، لکين مسلمانن کي بي رحمي سان قتل ڪيو ويو. فرخ حبيب چيو ته بدمست هاٿي ڀارت ۽ مهاراجا هري سنگهه مسلمانن جي رت سان هولي کيڏي. هن چيو ته غيرقانوني طور تي ڀارت جي قبضي هيٺ ڄمون ۽ ڪشمير ۾ ڪشميرين جي نسل ڪشي ڪري جاگرافيائي تبديلي تي عالمي برادري جي خاموشي سواليه نشان آهي. فرخ حبيب چيو ته وزيراعظم عمران خان عالمي سطح تي مظلوم ۽ معصوم ڪشميرين جو ڪيس انهي جرئت ۽ بهادري سان وڙهندو رهندو.
