لاہور۔5مارچ (اے پی پی):جناح پولو فیلڈز دے زیراہتمام ݙوجھے پریذیڈنٹ آف پاکستان پولو کپ سپانسرڈ بائی تکمیل سکوائر دا فائنل ایف جی پولو جت ڳھدا ۔ فائنل اچ ٻہوں دلچسپ مقابلے دے بعدایف جی پولو ٹیم بی این پولو کوں 9.5-9 گول توں ہرا تے ݙوجھا پریذیڈنٹ آف پاکستان پولو کپ جت ڳھدا ۔ فائنل میچ ݙیکھݨ کیتے تماشائیاں دی ھک وݙی تعداد گراؤنڈ اچ موجود ہئی۔ ایں موقع تے مہمان خصوصی صدر مملکت ڈاکٹرعارف علوی ہن ۔ جناح پولو فیلڈ دے پیٹرن، صدر، سیکرٹری جناح پولو فیلڈ میجر علی تیمور (ر)، سپانسرز تکمیل سکوائر دے سی ای و ڈاکٹر کامران فضل سودھے لوکاں وݙی تعداد اچ میچ ݙیکھݨ کیتے گراؤنڈ اچ موجود ہئی۔ پنج چکر دا فائنل میچ دلچسپ رہیا۔ ایف جی پولو ٹیم اتے بی این پولو ٹیماں دے درمیان زبردست مقابلہ ݙیکھݨ کوں ملیا ۔ ایف جی پولو دی طرفوں راول لیپ لا سیٹ شاندار کھیݙ پیش کیتا اتے 6 خوبصورت گول سکور کیتے جݙاں جو ٻئیں اچ رومیرو زلیولیٹا، ثاقب خان خاکوانی اتے میاں عباس مختار ھک ھک گول سکور کیتا۔
