اسلام آباد۔10مئی (اے پی پی) پاکستان دے دستور دی گولڈن جوبلی دی مناسبت نال تھیوݨ آلے کنونشن اچ شرکت کیتے آوݨ آلے آذربائیجان دی ملی مجلس دے ڈپٹی سپیکر عادل ابیش اوگلو علیئیف بدھ کوں پارلیمنٹ ہاؤس اچ سپیکر قومی اسمبلی راجہ پرویز اشرف نال ملاقات کیتی۔ ملاقات اچ پاکستان اتے آذربائیجان وچال ݙو پاسہ تعلقات اتے گولڈن جوبلی بارے عالمی کنونشن سودھے آپسی دلچسپی دے معاملیاں تے ڳالھ مہاڑ کیتی ڳی۔ سپیکر قومی اسمبلی راجہ پرویز اشرف آکھیا جو آذربائیجان اساݙے دلاں دے بہوں نیڑے ہن اتے اساں چاہندوں جو اساݙے برادرانہ تعلقات کوں ٻیا ودھایا ونڄے۔ آذربائیجان دی مجلس ملی دے ڈپٹی سپیکر عادل عابش سپیکر قومی اسمبلی راجہ پرویز اشرف دا شکریہ ادا کیتا۔
