اسلام آباد۔29ستمبر (اے پی پی) نگراں وزیراعظم انوار الحق کاکڑ آکھیا جو عمران خان کوں قانونی طور تے انتخابات توں روکیا ویندے تاں اے معاملہ حکومت دے اختیار اچ کائنا ہوسی۔ پی ٹی آئی دے خلاف کوئی سختی کائنا کیتی ویسی جڈانجو فسادات، توڑ پھوڑ، آتش زنی اتے لوکاں کوں تشدد تے اکساوݨ اچ ملوث لوکاں دے خلاف قانون مطابق نبڑیا ویسی۔ آپݨے دورہ لندن اچ بی بی سی ہارڈ ٹالک کوں انٹرویو ݙیندیں ہوئیں نگراں وزیراعظم آکھیا جو عمران کان دی قسمت دا اڄاں فیصلہ کائنی تھیس۔ انہاں ݙے عدالتی حل موجود اے اتے سارے آپشنز کوں عدالتی طور استعمال کرݨ دے بعد امکان اے جو انہاں کوں قانونی طور ایں عمل کوں روکیا ونڄے جیڑھا جو نگراں حکومت دے اختیار توں ٻاہر اے۔ انہان آکھیا جو پاکستان مسلم لیگ (ن) دے قائد نواز شریف اتے مسلم لیگ (ن) دے صدر شہباز شریف بارے وی انہاں عہد کیتے جو اگر کہیں بندے کوں انتخابات توں روکیا ڳیا تاں اے ایگزیکٹو دے فیصلے پاروں کائنا ہوسی کیونجو اے صرف عدالتی فیصلیاں نال تھی سڳدے۔ انہاں آکھیا جو نگراں وزیراعظم ہوندیں ہوئیں او عدالت دے فیصلیاں کوں کالعدم نی کر سڳدے۔ کیا نواز شریف کوں لندن واپسی تے گرفتار کیتا ویسی۔ ایں بارے پچھیے ڳئے سوال تے انہاں آکھیا جو قانون نافذ کرݨ آلے اداریاں کوں اے پتہ کرݨا پوسی جو انہاں دی حفاظتی ضمانت اے یا انہاں کوں کہیں بئی قانونی چارہ جوئی دی سہولت دستیاب اے۔
