اسلام آباد۔4نومبر (اے پی پی):چیئرمین سینیٹ محمد صادق سنجرانی پاکستان ائیرفورس ٹریننگ ائیربیس میانوالی تے دہشتگرداں دےحملے دی شدید مذمت کریندے وہئیں آکھیے فورسز دی وختی کارروائی دے نتیجے اچ ترائی دہشتگرد جہنم واصل تھئن۔ ہفتے کوں سینیٹ سیکرٹریٹ میڈیا ڈائریکٹوریٹ دی طرفوں جاری بیان موجب چیئرمین سینیٹ محمد صادق سنجرانی آکھیے سکیورٹی فورسز دے نینگراں اثاثیں دی حفاظت یقینی بݨائی اے ،پاک فوج دے بہادر سپوتاں تے پوری قوم کوں فخر اے۔چیئرمین سینٹ آکھیے سکیورٹی فورسز دی وختی تے موثر کارروائی نال دہشتگرداں دا منصوبہ ناکام بݨائے تے ایئر بیس کون وݙے جانی تے مالی ضیان توں بچائے۔
