اسلام آباد – 18 – مارچ (اي پي پي) صدر ڊاڪٽر عارف علوي معاشري ۽ حڪومت تي زور ڏنو آهي ته هو عورتن جي لاءِ هڪ صحتمنداڻي ۽ محفوظ ماحول کي يقيني بڻائين ڇو ته ان جو مڪمل ۽ ذميدار ڪردار هڪ ترقي يافته ۽ خوشحال پاڪستان کي حاصل ڪرڻ لاءِ ضروري آهي. هن اها ڳالهه هم وومن ليڊرز ايوارڊز 2021ع جي تقريب کي خطاب ڪندي چئي جنهن جو اهتمام هم نيٽ ورڪ ڪيو. هن چيو ته نئين پاڪستان جو قيام هڪ بدلجندڙ پاڪستان، ترقي پسند پاڪستان ۽ ڪامياب پاڪستان حاصل ڪرڻ صرف انهي وقت ممڪن ٿي سگهي ٿو جڏهن عورتون ذميداري سان پنهنجو مڪمل ڪردار ادا ڪنديون. تقريب ۾ خاتون اول ثمينه علوي، وفاقي وزير ڊاڪٽر فهميده مرزا، شفقت محمود، سفارتڪارن، مشهور شخصيتن، شوبز، ميڊيا ۽ زندگي جي ٻين شعبن سان تعلق رکندڙ مشهور شخصيتن شرڪت ڪئي. اهو ڏينهن عورتن جي انساني حقن، ڇوڪرين جي تعليم، هٿياربند فوج، پوليس سروسز، ماحولياتي تحفظ، فائن آرٽس جي شعبي ۾ انهن جي ڪردار جي اعتراف ۾ پاڪستان آرمي جي سرجن جنرل ليفٽيننٽ جنرل گنار جوهر، نوبل انعام يافته ملاله يوسفزئي، مشهور صوفي گلوڪاره عابده پروين، انساني حقن جي ڪارڪن عائشه چندريگر، پشتون خاتون ڪارڪن تبسم عدنان، انساني حقن جي ڪارڪن حنا جيلاني، ماهر علم ۽ تاريخ عائشه جلال، ميڪ اپ آرٽسٽ مسرت مصباح، اردن جي شهزادي ثروت الحسن، ڊي ايس پي شهزادي گلفام، ايڪواڊور جي سياستدانن ۽ عورتن جي حقن جي ڪارڪن ماريه فلانڊا، ايس پي نورساگارسس کي ايوارڊ ڏنا ويا جڏهن ته ملڪ رفيق اعواڻ کي پنهنجي پنجن ڌيئرن کي اعليٰ تعليم ڏيارڻ ۽ سي ايس ايس جي امتحانن جي لاءِ ڪواليفائي ڪرڻ تي به ايوارڊ ڏنو ويو. ان جي ٻن پٽن پنهنجي والد کي ايوارڊ ڏنو. مشهور اداڪاره بشريٰ انصاري به تقريب ۾ شرڪت ڪئي. صدر پنهنجي خطاب ۾ چيو ته عورتن کي تعليم ۽ صحت جون سهولتون فراهم ڪرڻ کانسواءِ معاشري ۽ حڪومت کي گهرجي ته هو ان حد تائين انهن جي تحفظ کي يقيني بڻائين ته جئين انهن کي ڪنهن به طرح حراسان نه ٿين ۽ پريشاني کي منهن نه ڏيڻو پوي. هن چيو ته عورتن جي لا ڪوششون ڏهاڪن کان جاري آهن. هن فاطمه جناح، بيگم رانا لياقت علي خان جي فعال ڪردار جي به واکاڻ ڪئي ۽ هم نيٽ ورڪ جي صدر سلطانه صديقي جي خدمتن کي خراج تحسين پيش ڪيو.
