اسلام آباد۔11فروری(اے پی پی)وزیرِ اعظم محمد شہباز شریف اسلامی جمہوریہ ایران دے 44 ویں یومِ انقلاب دی سالگرہ تے سنیہے اچ پاکستان دی حکومت اتے عوام ولوں ایرانی حکومت اتے ٻھرا ملک ایران دے عوام کوں مبارک ݙیندے آکھیے جو پاکستان اتے ایران وچال تکڑے ٻھراواں آلے تعلقات ہین جیندیاں جڑاں مذہب، تاریخ اتے ثقافت دے سانڄھے ڳانݙھے نال جڑیاں ہوئن۔ ہک بیان اچ انہاں آکھیا جو اے وݙے اطمینان دی ڳالھ اے جو ساݙے دیرینہ تعلقات ویلھے دے نال نال ٻئے تکڑے اتے ڳھاٹے تھیندے پن۔ انہاں آکھیا جو ایں خوشی دے موقع تے ایران دے عوام دی مسلسل ترقی، خوشحالی و فلاح و بہبود کیتے دعا کرینداں۔
