اسلام آباد۔8جولائی(اے پی پی):ملکی تے بین الاقوامی سطح تے شہرہ آفاق ممتاز سماجی شخصیت عبدالستار ایدھی دی ستویں برسی عقیدت و احترام دے نال منائی ڳئی تے انہاں دی انسایت کیتے خدمات کوں خراج عقیدت پیش کیتا ڳئے ، سوشل میڈیا پلیٹ فارمز دے ذریعے سارے شعبہ ہائے زندگی توں تعلق رکھݨ آلے لوکاں انسانیت کیتے انہاں دی پوری عمر دی نہ بھلائی ونجݨ آلی خدمات تے انہاں کوں شاندار خراج عقیدت پیش کیتے۔ عبدالستار ایدھی لوکاں کوں زندگیاں بچاوݨ تے انسانیت کیتے خدمات کوں پورے ملک اچ انسانی ہمدردی دے مرکز دا نیٹ ورک قائم کیتے۔ عبدالستار ایدھی 8 جولائی 2016 کوں 89 سال دی عمر اچ انتقال کر ڳئے او پاکستان دی ساریں توں قابل احترام شخصیات اچوں ھک تے بے سہارا لوکاں کتیے امید دی کرن ہن ، انہاں دی برسی دے موقع تے لوک انہاں کوں آپݨے آپݨے انداز اچ خراج عقیدت پیش کریندے پئن ۔ عبدالستار ایدھی 28 فروری 1928 کوں بھارتی ریاست گجرات دے علاقے بنتوا اچ ڄمیے ۔ غربت تے مصیبتاں اچ انہاں دی زندگی پروان چڑھی 1947 اچ قیام پاکستان دے بعد عبدالستار ایدھی ہجرت کر تے کراچی منتقل تھی ڳئے ، جتھاں انہاں انسانی مصائب مکاوݨ کیتے آپݨے تاحیات مشن دا آغاز کیتا۔
