اسلام آباد۔13دسمبر(اے پی پی):چیئرمین سینیٹ محمد صادق سنجرانی آکھیے پاکستان قازقستان نال آپݨے تعلقات کوں اہمیت ݙیندے ، نویں منتخب صدر قازقستان دی رہنمائی اچ قازقستان ترقی اتے خوشحالی دے نویں دڳ تے ٹرسی پاک-قازقستان دوستی مزید تکڑی تھیسی ۔ اے ڳالھ انہاں قازقستان دی مجلسِ پارلیمان دے چیئرمین کوشانوف یرلان زاکانووچ اتے انہاں دے وفد ملاقات اچ آکھی اے جنہاں پارلیمنٹ اچ چیئرمین سینیٹ نال ملاقات کیتی۔ ملاقات اچ چیئرمین سینیٹ وفد کوں قازقستان دے یوم آزادی تے پیشگی مبارخ ݙتی ۔ انہاں ݙوہیں ملکاں وچال اڄوکے سال فروری اچ سفارتی تعلقات دے قیام دے 30 سال مکمل تھیوݨ تے وی مبارخ ݙتی ۔ چیئرمین سینیٹ وفد کوں سینیٹ دے اغراض و مقاصد ، کمیٹیاں دے نظام اتے قانون سازی اچ کردار بارے ݙسایا ۔ ایں موقع تے قازقستان دے وفد دے رہنما شانوف یرلان زاکانووچ آکھیے پاکستان خطے دا اہم ملک اے۔ ݙوطرفہ تعاون نال رابطے مزید ودھسن ۔ پاکستان دا دودہ کرتے خوشی تھئی اے ، مہمان نوازی مثالی اے۔
