لاہور۔22جنوری(اے پی پی) وفاقی وزیر میاں جاوید لطیف آکھیے قوم دا اعتماد بحال کرݨ ساںڳے محمد نواز شریف کوں واپس گھن آوݨا ہوسی ،محمد نواز شریف دی ملک کیتے قربانیاں کوں ضائع کیتا ڳئے ، محمدنواز شریف ہمیشہ اپݨی تکالیف بھلا تے اڳوں ودھݨ دی ڳالھ کیتی ۔ اے ڳالھیں انہاں اتوار کوں ماڈل ٹاون اچ پریس کانفرنس توں خطاب کریندے ہوئیں آکھئن ۔وفاقی وزیر آکھیے ساری دنیا آکھدی پئی اے جو اتحادی حکومت نہ گھندے تاں عمران خان کوں کوئی امیدوار نہ ملدا،عمران خان کوں ول مقبول بݨاوݨ کیتے ملک کوں ایں حال تئیں پـڄا ݙتے ۔ انہاں آکھیے ملک نال محبت کرݨ آلی قیادت آپݨی سیاست کوں عبادت سمجھ تے کیتے ۔ انہاں آکھیے جو عمران خان کوں جݙاں لانچ کیتا ڳیا ہئی تاں انہاں کوں پتہ کائناں ہوئی جو اے پلے بوائے ہے ،اڄ پنکی پیرݨی فرح گوگی دی کرپشن دیاں ڳالھیں تھیندیاں پئن ۔ جے محمد نواز شریف دی ملک کیتے قربانی ݙیوݨ نال پاکستان دے معاشی تے سیاسی حالات بہتر تھی سڳدن تاں مسلم لیگ ن اے قربانی ول ول ݙیوݨ کوں تیار اے ، ،ضمنی الیکشن اچ وی سہولت کاری عام ہئی جیڑھی جو اڄ وی جاری اے ۔ میں اے ڳالھ کریساں تاں میں تے غداری دے مقدمے تھیندن ،اوروز ساڈھے ترائے ترائے گھنٹے کوڑ مارے ،ایندے رکیے ہوئے کیساں دا فیصلہ کیوں نی تھیندا پیا ، توشہ خانہ تے ایندی دھی دا کیس کیوں رکیا ہویا اے اوں آپݨی دھی دے کیس دا اڄ تئیں جواب نی ݙتا انہاں آکھیے ہݨ اقبالی بیان توں قوم دے ݙکھاں دا مداوا نی تھی سڳدا ۔ جنہاں پنج کرداراں 2017 اچ رول ادا کیتے انہاں دیاں جیباں توں پیسہ کڈھ تے واپس قومی خزانے اچ رکھ ݙتا ونڄے تاں کہیں ادارے توں قرض گھنݨ دی لوڑھ نہ پووے۔
