لاہور۔5جولائی (اے پی پی):گورنر پنجاب محمد بلیغ الرحمن نال وزیر اعظم دی مشیر سیاسی امور رومینہ خورشید عالم وفد دے رلے گورنر ہاؤس اچ ملاقات کیتی۔کنوینئر نیشنل پار لیمنٹری ٹاسک فورس ایس ڈی جیز رومینہ خورشید عالم ملاقات اچ گورنر پنجاب کوں اقوام متحدہ دے پائیدار ترقی دے اہداف(سسٹین ایبل گولز ) تے سیکرٹریٹ دی تکمیل دے حوالے نال تفصیلی بریفنگ ݙتی ۔انہاں گورنر پنجاب توں یونیورسٹیاں اچ ایس ڈی جیز کوں سلیبس دا حصہ بݨاوݨ دی درخواست وی کیتی۔ایں موقع تے گورنر پنجاب آکھیے یونیورسٹیاں اچ موسمیاتی تبدیلیاں دے حوالے نال کنسورشیم بݨاوݨ ویندے پیوں جیں توں طلبا وطالبات کوں آگاہی ݙتی ویسی ، انہاں آکھیے ایس ڈی جیز دے اہداف انسانیت دی بہتری کیتے ترتیب ݙتے ڳئں ، سارے اداریں دا فرض اے جو ایندے اچ آپݨا کردار ادا کرن ۔گورنر پنجاب آکھیے موسمیاتی تبدیلی، غربت مکاوݨ تے ٻئے مسئلیں دے حل کیتے ساݙی خدمات ہر ویلھے موجود ہن۔ایں موقع تے گورنر پنجاب ڈپٹی سیکرٹری کوآرڈینیشن نازیہ موہل کوں گورنرہائوس دی طرفوں فوکل پرسن وی مقرر کرݙتا۔
