اسلام آباد 20 اګست (اے پي پي) د قامي اسمبلۍ سپيکر سردار اياز صادق په مستونګ كښې په استخباراتي بنياد د كاميابه عملياتو د لارې د درېو ترهګرو په وژلو امنيتي ځواكونو ته پېرزوئنې وړاندې كړي۔ د نهې په ورځ خپل پېغام كښې ده ووئيل ټول قام د ترهګرۍ خاتمې لپاره امنيتي ځواكونو سره ولاړ دے٬ شرخوښې په هېواد كښې امن ته زيان رسول غواړي٬ د ترهګرۍ د لارې په هېواد كښې ناامني او اړے ګړے خپرونكي به خپل انجام ته رسولې شي۔ سپيکر د پاك پوځ په هېواد كښې د فتنه الخوارج خاتمې لپاره د عزم ستائنه كولو سره ووئيل د امنيتي ځواكونو د ترهګرۍ خاتمې لپاره عزم د ستائنې وړ دے٬ دوي د ترهګرۍ په ضد جنګ كښې بلها قربانۍ وركړي او قام به د ترهګرۍ په ضد جنګ كښې د امنيتي ځواكونو لازواله قربانۍ هېڅ كله نه هېروي۔
