کوئټه۔ 29 اګست (اے پي پي) وزیراعظم میاں محمد شهبازشریف وئېلې دي مونږ به په خپله قوي اراده او اجتماعي بصیرت سره بلوچستان كښې د ترهه ګرۍ مکمل خاتمه كوو او ترهه ګر به خپل انجام ته رسوو، بلوچستان كښې په اوسنيو كښې رامخې ته شوې زړه دړدونكې پیښه باندې ټول قام غمژن دے ، د ترهه ګرۍ ناولې منصوبې تر مخه د بے ګناہ پاکستانیانو وينه بهېوونكو د خارجي ترهه ګرو سر به چقولې شي۔ د دې خیالاتو څرګندونه ده د زيارت په ورځ کوئټه كښې د نیشنل ایکشن پلان د صوبائي ایپکس کمیټ غوندې ته خطاب کښې وكړه ۔ په دې مهال چیف آف آرمي اسټاف جنرل عاصم منیر،نائب وزیراعظم او خارجه وزير اسحاق ډار،ګورنر بلوچستان شیخ جعفرخان مندوخیل، وزیراعلی میرسرفراز بګټي ،داخله وفاقي وزیر محسن نقوي ،د منصوبه بندۍ وفاقي وزير احسن اقبال ،د اطلاعات وفاقي وزير عطا تارړ ،وفاقي وزیر جام کمال ،کورکمانډر بلوچستان راحت نسیم احمد ،چیف سیکرټري شکیل قادر او نور هم موجود وو ۔وزیراعظم شهبازشریف ووئېل په 26اګست چې بلوچستان كښې د ترهه ګرۍ كومه پیښه رامخې ته شوه هغه ډېره زړه دړدېدونكې ده ٬ په دې پیښه ټول قام غمژن او اندېښمند دے ،خو مونږ دا خبره واضحه كوو چې مونږ به په اجتماعي بصیرت او قوي اراده بلوچستان كښې ترهه ګري ختموو ،بلوچستان د پاکستان يوه مهمه او ښكلې صوبه ده د كومې ترقۍ او خوشحالۍ لپاره به چې مونږ ټول خنډان لرې كولې شي ۔وزیراعظم ووئېل پاکستان كښې خارجي عناصرو د ترهه ګرۍ منصوبه جوړه كړه او د بے ګناہ پاکستانیانو وينه يي وبهيوله چې پكښې د قانون نافذ کوونكو ادارو ،ایف سي ، د لیویز اہلکارو بشمول عام وګري ځپلې شوي خو د شهيدانو وينه به بے ځايه تللو له ورنه كړو ۔وزیراعطم ووئېل په دې كښې هيڅ شک نشته چې د اللہ تعالی په فضل وکرم د پاكستان وسله وال پوځونه ، چیف آف آرمي سټاف جنرل عاصم منیر او د وزیراعلیٰ بلوچستان په مشرۍ كښې د وفاقي حکومت په مکمل مرسته به د ترهه ګري مونډ ويستلے شي ، ترهه ګرۍ چې په ټول پاکستان كښې د 2018 نه پس كوم سر بيا پورته كړے د دغې سر به چقولې شي ،د پاکستان ترقۍ او خوشحالۍ لپاره به ټولو له په ګډه وړاندې راتلل وي ۔وزیراعظم شهبازشریف ووئېل د قائداعظم محمد علي جناحؒ او علامه محمد اقبالؒ په لاره تګ سره به د ګران وطن استحکام لپاره د خپلو ځانونو قربانۍ وركوونكو قربانۍ به بے ځايه تللو له ورنه كړے شي ،وزیراعظم دا عزم څرګند كړو جې په قوي اراده او اجتماعي هلو ځلو به د ترهه ګرۍ خاتمه كوو ۔
