اسلام آباد۔2ستمبر(اے پی پی)د ډنمارك لويي بزنس ګروپ د پاكستان په معدني صنعت كښې لويه سرمايه كاري كولو له خوښي ښكاره كړې۔ د پټروليم ډويژن لخوا د جاري شوې اعلاميې له مخې د ډنمارك سفير جېكب لينولف په مشرۍ كښې د نوموړې ډينش مائننګ كمپنۍ اېف اېل سمډټھ سي اي او مېكو كېټو وفاقي وزيرانو ډاكټر مصدق ملك ٬ اورنګزېب ٬ عبد العليم خان او جام كمال سره ملاقات وكړو۔ وفاقی وزيرانو ووئيل پاكستان د معدني وسائل پراخه پنګې لري او دلته لويه سرمايه كاري كېدې شي۔ د پټروليم وفاقي وزير مصدق ملك ووئيل پاكستان به د معدنيات په څانګه كښې د بهرنۍ سرمايه كارۍ هركلے كوي٬ د ټېكنالوجي تبادلې او زده كوؤنكو لپاره د ريسرچ او ټرېننګ په موقعو به هم كار كوؤ۔ د خزانې وفاقي وزير اورنګزېب د خپلې محكمې لخوا د هر ممكنه مرستې باور وركړو۔ د مواصلات وفاقي وزير عبد العليم خان ووئيل ډنمارك سره سرمايه كاري د ډاډ وړ ده٬ د دې به مثبت نتيجې رامخې ته شي۔ د تجارت وزير جام کمال ووئيل د ډنمارك د معدنيات په څانګه كښې مرستې او دوه اړخيزه كاروباري فعاليتونو سره به د هېواد معيشت مضبوط شي۔ ډنمارك د پاكستان زيات مهم كاروباري شراكت دار دے مونږ کورډیل ریلېشن شپ مخ په وړاندې بوتلل غواړؤ۔ په دې موقع د ډنمارك سفير ووئيل زمونږ هېواد 30 كلونو څخه په پاكستان كښې په فعاله توګه سټېټ آف دي آرټ منصوبو كښې كار كوي٬ مائننګ انډسټری كښې به د عمل وړ وړاندېزونو او ګټورو منصوبو سره مخ په وړاندې ځؤ
