اسلام آباد 18 ستمبر (اے پي پي) موسمياتي بدلون لپاره د وزيراعظم کوآرډينيټر رومينه خورشيد عالم وئيلي دي پاکستان به په کوپ29 كښې موسمياتي اقدامات، چيلنجز او ممکنه حل وړاندے كوي۔ د دې خيالاتو څرګندونه دې د يو اېن اېف سي سي سي کوپ29 تياريانو سره اړوندې د پرمختيائي همكارانو غونډې ته خپله وېنا كښې وكړه۔ دې د ماحولياتي سفارت كارۍ هدفونه ترلاسه كولو٬ صنفي مساوات ته وده وركولو او د نجي څانګې د شموليت د لارې د سمارټ زراعت اقداماتو ودې لپاره د مرستې په ضرورت رڼا واچوله۔ دې په پاکستان كښې د موسمياتي بدلون د مخنيوي په حاجت زور راوړو كوم چې په نړيواله كچه موسمياتي بدلون څخه زيات ځپلې شوو هېوادونو كښې شمېرلے شي٬ د كاربن په نړيوال اخراج كښې يو فيصد څخه هم د كمې برخې لرلو باوجود پاکستان د موسمياتي آفتونو سنګينو نتيجو سره مخ دے۔ سيلاب او وچ كالۍ د پاكستان بنيادي اډانې او معيشت ته زيات زيان رسولے دے۔ د كال 2022 سېلاب هېواد ته 24 اربه څخه د زياتو روپو زيان رسولے۔ دې په كوپ29 كښې د پاكستان ګډون باوري كولو لپاره پرمختيائي همكارانو څخه د فعاله كردار لوبولو مطالبه وكړه چې مقصد ئې موافق منصوبو لپاره په موسمياتي ماليات كښې اضافه كول دي۔ رومينه خورشيد عالم ووئيل د موسمياتي او ماحولياتي چېلنجز مخنيوي په لړ كښې د سيمه ايز حل تيارۍ لپاره بزنس 20 هېوادونو سره د مرستې هڅې كوٶ۔ دې په موسمياتي حل كښې د صوبائي واكمن شاملولو په اهميت هم زور رواړو چې پكښې په خاص توګه د پنجاب وزيراعلیٰ لخوا په فعاله اقداماتو رڼا اچول شامل دي٬ د چا په مشرۍ كښې چې پنجاب خپل د “موسمياتي بدلون پاليسي او ايکشن پلان 2024” ته حتمي شکل وركړے شوے چې مقصد ئې موسمياتي مسئلې لكه سموګ او ماحولياتي انحطاط حل كول دي۔ په دې موقع د موسمياتي بدلون سېکترې عائشه حميرا چوهدري هم وېنا وكړه۔ په غونډه كښې نړيوالو ادارو٬ سفارتي مشنز او د موسمياتي بدلون وزارت چارواكو پشمول د پرمختيائي شراكتدارو نمائندګانو ګډون وكړو
